სპორტული ინვენტარი სოფელ თაბაგრების სკოლისთვის

სკოლაში სწავლა-სწავლების პროცესის გაუმჯობესებისა და ჯანსაღი ცხოვრების წესის დამკვიდრების მიზნით, მნიშვნელოვანია მოსწავლეებს დამატებითი აქტივობები შევთავაზოთ. ჯანსაღი ცხოვრების წესი მოიცავს: სწორ კვებას, ფიზიკურ დატვირთვას, სასარგებლო ვარჯიშებს, სტრესის სწორ მართვასა და თვითდახმარების უნარების გაძლიერებას. ამიტომ ცხოვრების დონის გაუმჯობესებისთვის მთავარია, ჩვენი სკოლის მოსწავლეებში მოვაგვაროთ უმთავრესი პრობლემა: ფიზიკური აქტივობის ნაკლებობა. სკოლას აქვს სპორტული დარბაზი, თუმცა სპორტული ინვენტარი (თუ არ ჩავთვლით ბურთებს), რომელიც ფიზიკურ დატვირთვას შეუწყობს ხელს არ გვაქვს. თქვენი მხარდაჭერით გვინდა, რომ შევძლოთ ინვენტარის შეძენა, რომელიც დაგვეხმარება სპორტული შეჯიბრებების გამართვაში.